«Басовішча» – фэстываль музыкі маладой Беларусі. Заснаваны ў пачатку 90-х Беларускім аб’яднаньнем студэнтаў у Польшчы (БАС), сябры якога і ладзяць фэстываль штогод. Гэта фэст пад адкрытым небам, у намётах і зь, пераважна, беларускай рок-музыкай. Зараз гэта найбуйнейшы беларускі фэст. Толькі праходзіць ён у Польшчы – зусім недалёка ад беларускай мяжы, у мястэчку Гарадок Беластоцкага ваяводзтва, а калі зусім дакладней – у лесе (у борыку) на ўскрайку Гарадка.
Басовішча ладзіцца штогод у ліпені – прыкладна другая палова месяца, пятніца-субота. У 2008 годзе Басовішча пройдзе 18–19 ліпеня – пятніца-субота.

Традыцыйна фэст мае тры часткі: вольная сцэна, конкурс маладых беларускіх гуртоў, выступы зорак і гасьцей фэсту (Беларусь, Польшча, Україна, Літва, Італія і інш.)

Праграма ФММБ Басовiшча 2008:

Пятнiца 18.07.08:
16.00 — Адкрыццё Фэстывалю
IQ 48 (BY)
Krama (BY)
конкурсная частка
Znicz (BY)
5set5 (Pl)
WZ Orkiestra (BY)
i Drug Moi Gruzovik (UA)
Troica (BY)
01.30 — Zona Dj (намёт фэстывалю) / drumandbass:
T-Trider (BY)
Dj Alan Kubert (PL-BY)
Dj Ray Aven (BY)

Субота 19.07.08:
13.00 — Праекцыі фільмаў праекту Filmowe Podlasie Atakuje! а таксама беларускага незалежнага кіно „A ty staryk kudy" + канцэрт Ilo&friends (намёт фэстывалю)
16.00 — Адкрыццё другога дня Фэстывалю
Zatoczka (BY)
SOK (BY)
Gate (PL)
Rahis (BY)
Schody (PL)
Rima (PL)
Абвяшчэнне вынікаў/пачатак жывой трансляцыі на тэлеканале Белсат
Прэзэнтацыя ляўрэатаў
Zet (BY)
Pomidor/OFF (BY)
Dick4Dick (PL)
Neuro Dubel (BY)
02.00 — Завяршэнне фэстывалю

Візавая падтрымка на БАСОВІШЧА 2008:

Для таго, каб зарэгістравацца на атрыманьне візы ёсьць ня так шмат часу – да панядзелка 7 ліпеня кожны ахвочы павінен даслаць на e-mail свае пашпартныя звесткі і ўдакладняючыя дадзеныя.

Патрабаваньні да заяўнікаў:
- Пашпарт мусіць быць дзейсным да 20 кастрычніка 2008 году (інакш візу не дадуць)
- Адсутнасьць ранейшых парушэньняў у перасячэньні межаў краінаў Шэнгенскай дамовы

Даслаць трэба:
- Імя і прозьвішча лацінкай (як напісана ў пашпарце!)
- Сэрыя і нумар пашпарта
- Адрас электроннай пошты
- Нумар мабільнага тэлефону, пазначыўшы ўсе прэфіксы (+375 ## ### ## ##)

Куды дасылаць:
Для жыхароў Гародні і Гарадзенскай вобласьці
E-mail: zasvabodu.hrodna[at]gmail.com

Для жыхароў астатніх гарадоў і рэгіёнаў:
E-mail: basy2008[at]gmail.com

Заяўкі на візу прымаюцца да 17-й гадзіны 7 ліпеня 2008 году.

Што далей?
Цягам наступнага тыдня з вамі зьвяжуцца каардынатары, каб прызначыць месца і час для перадачы пашпартоў на афармленьне візаў.

Даезд. Бясплатныя аўтобусы з Кузьніцы.
Гарадзенскі Рух «За Свабоду» ладзіць арганізаваны даезд ахвотных наведаць «Басовішча-2008» з вакзалу памежнага гораду Кузьніца Беластоцкая. Праезд будзе бясплатным. Для таго, каб забраніраваць месца ў «чартарным рэйсе» вам трэба даслаць свае кантактныя дадзеныя на адрас zasvabodu.hrodna[at]gmail.com . Пазьней вам паведамяць дакладны час адпраўленьня аўтобусаў з Кузьніцы на «Басовішча». Да Кузьніцы Беластоцкай можна дабрацца цягніком з Гародні. Адпраўленьні – у 3:40, 7:55, 10:05, 14:50, 19:47, 22:34. Кошт квітка з Гародні да Кузьніцы – каля 5 тысячаў беларускіх рублёў.

ООО !! Мущина! ))

на басовище басы особенно жирны )