Калі вы знаходзіцеся на танцпляцы ў Менску і раптоўна заўважаеце як на сваім твары, так і на твары ўсіх, хто кілбасіцца навокал, шырачэзную такую і шалёна ўсьцешаную ўсьмешку, дык гатовы паспрачацца, што за пультам стаіць Т-Trider. Новая песьня беларускага электроншчыка ў 3-м туры «Тузіна гітоў».

Што-што, а выдумляць і абіраць з навакольнай музыкі вясёлыя мэлёдыі ў яго атрымліваецца. Ён умудрыўся нават з даволі змрочнага саўндтрэку да фільму «Рэквіям па мары» зрабіць суцэльна пазытыўны клюбны гіт. Безумоўна, творчасьць Віталя «Т-Trider» Пушчына не абмяжоўваецца рэміксамі на музыку з фільмаў, старых савецкіх мультоў («Вось яно якое нашае лета»), сярэднявечнай беларускай спадчыны («Мядуніца») і невядомых цыган («Ультра-Цыганачка» — адзiн з самых папулярных трэкаў на www.electrokids.org ужо на працягу двух год). Ягоныя ўласныя трэкі гэтак жа вылучаюцца моцнымі мэлёдыямі, якія ня так ужо і лёгка забываюцца. Калі нехта з беларускіх электронных музыкаў здольны на сёньня даць краіне чарговы гіт, то ня іначай, гэта T-Trider.
Гэткім чынам, сустракайце, T-Trider — JX.

Голосовать тут: [ >>> ]
Оригинал текста [ >>> ]